İtkin düşmüş balıqçıların axtarışına helikopter cəlb olundu - YENİLƏNİB
Astarada dənizdə itkin düşən balıqçıların axtarışına helikopter cəlb olunub.
Redaktor.az APA-ya istinadən xəbər verir ki, dekabrın 9-u səhər saat 8-də balıq tutmaq məqsədilə Xəzər dənizinə çıxan və itkin düşmüş hesab edilən balıqçılar Turan Həsənov və Ağadədə Həsənovun axtarışlarına helikopter cəlb olunub.
Artıq FHN-ə məxsus helikopter ərazidə axtarışlara başlayıb.
***
Astarada dənizdə itkin düşən balıqçıların kimliyi məlum olub.
Redaktor.az APA-ya istinadən xəbər verir ki, itkin düşən 1997-ci il təvəllüdlü Turan Həsənov və 1999-cu il təvəllüdlü Ağadədə Həsənovun qohum olduqları bildirilir.
***
Fövqəladə Hallar Nazirliyinin “112" qaynar telefon xəttinə Astara rayonu ərazisində Xəzər dənizində 2 nəfərin itkin düşməsi barədə ilkin məlumat daxil olub.
Bu barədə FHN-in Mətbuat xidmətindən Redaktor.az-a bildirilib.
Məlumatla əlaqədar dərhal FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub və aidiyyəti qurumlar məlumatlandırılıb.
Hazırda itkin düşdüyü ehtimal olunan şəxslərin axtarışları davam etdirilir.
Əlavə məlumat veriləcək.
Bizi Telegram-da izləyin...
