Bakıda təhlükəli hərəkətlər edən motosiklet sürücüsü saxlanıldı - YENİLƏNİB
Sabunçu Rayon Məhkəməsinin qərarı ilə Amin Məmmədov İnzibati Xətalar Məcəlləsinin (İXM) 511-ci (avtoxuliqanlıq) maddəsi ilə təqsirli bilinib.
Redaktor.az xəbər verir ki, qərara əsasən Amin 500 manat cərimələnib, əlavə olaraq 1 il müddətinə nəqliyyat vasitələrini idarə etmək hüquqdan məhrum edilib.
***
Paytaxt ərazisində motosiklet sürücüsünün yol hərəkəti qaydalarını kobud şəkildə pozmasına dair sosial şəbəkələrdə yayılan görüntülər polis əməkdaşları tərəfindən araşdırılıb.
Bakı şəhər DYPİ-dən Redaktor.az-a bildirilib ki, keçirilən tədbirlərlə nəqliyyat vasitəsini idarə edən 2008-ci il təvəllüdlü Amin Məmmədov müəyyən edilərək saxlanılıb.
Onun barəsində hüququ məsuliyyət tədbirləri görülür.
Bizi Telegram-da izləyin...
