Samuxda kütləvi zəhərlənmə - YENİLƏNİB
Samux rayonunda ət məhsulundan zəhərlənmə diaqnozu ilə xəstəxanaya yerləşdirilən şəxslərin sayı 11-ə çatıb.
Redaktor.az xəbər verir ki, 1986-cı il təvəllüdlü Sevinc Allahverdiyeva da eyni diaqnozla Abbas Səhhət adına xəstəxananın Yoluxucu xəstəliklər şöbəsinə yerləşdirilib.
Məlumata görə, aparılan ilkin müayinələr nəticəsində pasiyentlərdə qarayara xəstəliyinin əlamətlərinin olduğu müəyyən edilib. Hazırda araşdırma aparılır.
***
Samux rayonunda qidadan kütləvi zəhərlənmə hadisəsi baş verib.
Redaktor.az "Trend"ə istinadla xəbər verir ki, hadisə rayonun Alıuşağı kəndində qeydə alınıb.
İlkin məlumata görə, 5 nəfər Gəncə Abbas Səhhət adına Birləşmiş Xəstəxananın infeksion xəstəliklər bölməsinə yerləşdirilib. Həmin şəxslərin ət məhsulundan zəhərləndiyi ehtimal olunur. Onlar Kəlbəcər, Daşkəsən və Gəncə şəhər sakinlərdir. Xəstəxanaya yerləşdirilən şəxslər 1984-cü il təvəllüdlü Seymur Əliyev, 1986-cı il təvəllüdlü Elçin Cabbarov, 1975-ci il təvəllüdlü Mehriban Orucova, 1980-ci il təvəllüdlü Azər Allahverdiyev, 1976-cı il təvəllüdlü Məlahət Allahverdiyevadır.
Faktla bağlı araşdırmalara başlanılıb.
Bizi Telegram-da izləyin...
