Ağcabədidə pendir sexində yoxlanış - VİDEO
Ağcabədi rayonunda yerləşən sexdə yoxlama aparılıb və məhdudlaşdırıcı tədbir görülüb.
Redaktor.az xəbər verir ki, bununla bağlı Fövqəladə Hallar Nazirliyi (FHN) məlumat yayıb.
Bildirilib ki, nazirliyin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri tərəfindən rayonun Hacıbədəlli kəndində fəaliyyət göstərən fərdi sahibkar Ruslan Eldar oğlu Rüstəmova məxsus pendir sexində plan üzrə yoxlama aparılıb.
Yoxlama zamanı müəssisədə istismar olunan 1 ədəd buxar qazanının üzərində quraşdırılmış qoruyucu klapanın yoxlanılmadığı və texniki şəhadətləndirilməsinin aparılmadığı müəyyən edilib.
Aşkar olunmuş nöqsanların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, buxar qazanının istismarı Agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunmuş aktın bir nüsxəsi sahibkara təqdim edilib.
Bizi Telegram-da izləyin...
