Abşeronda tikiş sexindən 15 min manatlıq oğurluq edildi
Sabunçu və Abşeron rayonlarında oğurluq hadisələri törətməkdə şübhəli bilinən şəxslər polis tərəfindən saxlanılıblar.
DİN-in mətbuat xidmətindən Redaktor.az-a verilən məlumata görə, Sabunçu rayonu ərazisində zərərçəkənlərə məxsus ümumi dəyəri 5000 manata yaxın olan məişət əşyaları oğurlanıb. Polisun keçirdiyi tədbirlərlə əməli törədən 29 yaşlı N.Xəlilov müəyyən edilərək saxlanılıb.
Abşeron rayonu ərazisində isə tikiş sexlərindən birindən ümumi dəyəri 15 000 manat olan 50 000 ədəd kisə oğurlanıb. Polisin keçirdiyi tədbirlərlə oğurluq edən 45 yaşlı E.Kərimov, 34 yaşlı N.Quliyev və 36 yaşlı S.Qaraşov müəyyən edilərək saxlanılıblar.
Faktlarla bağlı araşdırmalar aparılır.
Bizi Telegram-da izləyin...
