Elmi sıçrayış: Həkimlər ilk dəfə iflic insanın düşüncələrini oxuya biliblər

 04:23 17.07.2021     91

Tibb tarixində ilk dəfə elm adamları danışmaq qabiliyyətini itirən iflic xəstəsinin beyin dalğalarından istifadə edərək nə demək istədiklərini kompüter ekranında cümlələrə çevirib.

Redaktor.az xəbər verir ki, pasiyent 15 il əvvəl insult keçirmiş, nəticədə iflic olan və danışmaq qabiliyyətini itirən 30 yaşlarında kişi olub. Həkimlər onun beynində nitqi idarə edən sahəyə elektrodlar yerləşdiriblər. Kompyuter gəncin tələffüz etməyə çalışdığı ümumi sözləri analiz edib. Nəticədə kişi 50-dən çox söz ayırd edə bilib ki, bunlardan mindən çox cümlə qurmaq olar.

Cihaz kişinin sadə suallara söz demədən cavab verməsinə imkan yaradıb.

Mütəxəssislər araşdırmanın xəstəlik səbəbiylə danışa bilməyən insanların ünsiyyət qurmasına imkan yaratma yolunda əhəmiyyətli addım olduğunu söyləyirlər. Bununla belə texnologiyanı mükəmməlləşdirmək üçün illərin zəhməti lazımdır. //Oxu.az.