TƏBİB Ağstafadakı qəza ilə bağlı məlumat yaydı
"Bakı-Qazax avtomobil yolunda baş verən yol-nəqliyyat hadisəsi ilə əlaqədar Ağstafa Rayon Mərkəzi Xəstəxanasının Təcili Tibbi Yardım briqadaları əraziyə cəlb olunub".
Bu barədə Redaktor.az-a TƏBİB-dən məlumat verilib.
Bildirilib ki, hadisə nəticəsində xəsarət alan 15 nəfər Ağstafa Rayon Mərkəzi Xəstəxanasına təxliyyə edilib.
"Hazırda onlara zəruri tibbi yardım göstərilir. Xəsarət alanlardan 12 nəfərin vəziyyəti orta ağır, 3 nəfərin vəziyyəti isə ağır olaraq qiymətləndirilir. Əlavə məlumat veriləcəkdir",- deyə məlumatda qeyd edilib.
Xatırladaq ki, bu gün Ağstafa rayonunda mikroavtobuslar toqquşması nəticəsində 20-yə yaxın şəxs xəsarət alıb.
Bizi Telegram-da izləyin...
