10 min addım qaydası dəyişdi - YENİ SAY
Mütəxəssislər tərəfindən ardıcıl olaraq tövsiyə olunan gündə 10.000 addım hədəfinə çatmasanız, çox narahat olmayın. Yeni bir araşdırmaya görə, vaxtından əvvəl ölüm riskinizi azaltmaq üçün sadəcə 4000 addım kifayətdir.
Redaktor.az lent.az-a istinadən bildirir ki, 17 ayrı tədqiqatdan təxminən 227.000 sağlam insana əsaslanan araşdırma, gündə ən azı 3.867 addım yeriyən insanların vaxtından əvvəl ölüm riskinin azaldığını göstərib.
Tədqiqata rəhbərlik edən Polşanın Lodz Tibb Universitetinin professoru Maciej Banach deyib:
"İnsanlar gündəlik addımlarını izləməkdən həzz alır və onların sayını artırdıqda qürur duyurlar. Bu, ölüm riskini azalda biləcək kritik həyat tərzi dəyişikliklərinə nail olmaq üçün yaxşı bir yoldur. Biz müəyyən etdik ki, bu, yaşından asılı olmayaraq həm kişilərə, həm də qadınlara aiddir".
Gündə ən azı 3,867 addım atmağın hər hansı bir səbəbdən və ürək-damar xəstəliklərindən ölüm riskini azaltmaq üçün başlanğıc nöqtəsi olduğunu tapılıb. Ancaq bir insan hər gün nə qədər çox addım ata bilərsə, bir o qədər yaxşıdır. Araşdırmaya görə, bir insanın gündə atdığı hər 1000 əlavə addım hər hansı bir səbəbdən vaxtından əvvəl ölmə riskinin 15 faiz azalması ilə əlaqələndirilib. Gündə hər 500 əlavə addım da ürək-damar xəstəliklərindən ölmə ehtimalının yeddi faiz azalması ilə əlaqələndirilib.
Aktiv olmaq qan damarlarını sağlam saxlayır, infarkt və ya insult riskini azaldır. Tədqiqatda gündə 20.000 addıma qədər yeriyən insanlar da nəzərdən keçirilib və daha çox addımın vaxtından əvvəl ölüm riskinin aşağı olması ilə əlaqəli olduğu tapılıb.
Bununla belə, 4000 addım həyatın erkən yaşlarında daha sağlam həyat tərzi keçirməkdən faydalana biləcək 60 yaşdan aşağı insanlar üçün daha yaxşı görünür.
Bizi Telegram-da izləyin...
