Ofisdə infeksiyadan necə qorunmaq olar?
Rusiyalı allerqoloq və immunoloq Vladimir Bolibok sentyabrın 8-də işçilərdən biri xəstələnərsə, ofisdə infeksiyadan necə qorunmaq barədə məsləhətlər verib.
Redaktor.az "İzvestiya"ya istinadla xəbər verir ki, həkimin sözlərinə görə, ilk növbədə belə işçi imkan daxilində uzaqdan göndərilməlidir.
Bu yolla, işəgötürən xəstə insana, eləcə də ofisdə yoluxmuş ola biləcək digər insanlara qayğı göstərəcək. Əgər xəstə işçi işə gəlirsə, mütləq maska taxmalıdır. Eyni fərdi qoruyucu vasitələrdən otaqdakı hər kəs istifadə etməlidir.
“Maska həqiqətən yoluxma riskini azaldır - qripdən, rinovirusdan, adenovirusdan və paraqripdən... İnsan maska taxırsa, infeksiyanın - koronavirusun dozası azalır”, - deyə o, bildirib.
Həkim həmçinin havanı dezinfeksiya etməyi və otağı havalandırmağı tövsiyə edib. Pəncərələr həmişə bağlıdırsa, bu, xəstə həmkarından yoluxma riskini artıra bilər. Həkimin sözlərinə görə, əgər bu, koronavirusdursa, xüsusilə də ofisdə işçilər arasında məsafə beş metrdən az olarsa, infeksiya dərhal baş verir.
Bolibok onu da xatırladıb ki, əl və üzünüzü yumaq da infeksiyanın qarşısını almağa kömək edəcək.
Turan İSMAYIL
Bizi Telegram-da izləyin...
