Bu qidalar qocalma prosesini sürətləndirə BİLƏR
Qeyri-kafi qidalanma və ya pis yemək vərdişləri qocalma prosesini sürətləndirə bilər.
Redaktor.az “lenta.ru”ya istinadən xəbər verir ki, bu barədə dietoloq Olqa Şuppo xəbərdar edib.
Mütəxəssis ilk növbədə yaşlı insanlara sadə karbohidratları qida rasionundan çıxarmağı tövsiyə edib.
Şuppo əlavə edib ki, yaşlı insanlar qırmızı ətin miqdarını azaltmalıdırlar, çünki tərkibində çoxlu doymuş yağ və xolesterin var.
"Bu səbəbdən, bu məhsulun həddindən artıq istehlakı ürək-damar xəstəliklərinin, piylənmənin və II tip diabetin inkişaf riskini artıra bilər. Bunun əvəzinə ağ ət və ya balıq yemək daha yaxşıdır. Yaşlı insanlar qırmızı əti pəhrizlərində buraxa bilər, lakin həftədə bir dəfədən çox olmamaq şərtilə", - deyə dietoloq bildirib.
Həmçinin onun sözlərinə görə, yaşlı insanlar pendir, süd və kəsmik istehlakını azaltmalıdırlar. Onların tərkibində laktoza var və çox miqdarda istehlak edildikdə, çəki artımına səbəb ola bilər.
“Bundan əlavə, onlar bədənin turşuluğunu təhrik edir və virusların inkişafı üçün faydalıdır. Yaşlı bir insan gündə bir neçə dəfə qəlyanaltı yeyirsə, qanda insulin səviyyəsi daim yüksək olaraq qalır. İnsulin müqaviməti formalaşır ki, bu da şəkərli diabetin inkişaf riskini artırır”, - deyə mütəxəssis yekunlaşdırıb.
Humay İSGƏNDƏRLİ
Bizi Telegram-da izləyin...
