İnsanlar bu səbəbdən QOCALIR
Uzunömürlülüyün əsas sirləri istirahət və düzgün qidalanmadır.
Redaktor.az "İzvestiya"ya istinadən xəbər verir ki, bunu həkim Aleksandra Fileva deyib.
O bildirib ki, 90 yaşdan yuxarı insanlar uzunömürlü sayılırlar:
"Alimlərin hesablamalarına görə, insanların ömrünün uzunluğu və sağlamlığı 60% həyat tərzindən, 20% genetikadan, 20% ekologiya və ətraf mühitdən, asılıdır. Gəncliyin və ömrün uzadılmasına zəmanət verən universal üsul yoxdur. Bir insan sağlamlığına zərər vermədən bütün həyatı boyu şokolad yeyə bilər, amma şakalad digərinə zərər verəcək.Yaşlanmanın müxtəlif mexanizmləri var. Onlar ilk növbədə genlərdən, maddələr mübadiləsindən və stress səviyyələrindən asılıdır.
İnsan orqanizmi bütün orqan və sistemlərin fəaliyyətinin asılı olduğu kifayət qədər miqdarda vitamin və minerallar istehsal edə bilmir. Biz qidadan yalnız qiymətli mikroelementlər ala bilərik. A vitamini, B vitaminləri, D vitamini, kalium, maqnezium, kalsium, sink, selen, yod, çoxlu doymamış yağ turşuları, omeqa-3 və omeqa-6 sağlamlığın qorunması və gəncliyin qorunması üçün xüsusilə vacibdir".
Mütəxəssis onu da qeyd edib ki, orqanizmdə sərbəst "radikallar" çox olduqda baş verən oksidləşdirici stressin təsiri altında orqanizm hüceyrələri daha tez qocalır. Xüsusi maddələr - antioksidantlar - onların təsirini neytrallaşdıra bilər. Bunlara C, E vitaminləri və bitkilərin bir hissəsi olan flavonoidlər daxildir. Meşə və bağ giləmeyvələri, paxlalılar, qoz-fındıq, təzə otlar və tərəvəzlər antioksidantlarla zəngindir.
Humay İSGƏNDƏRLİ
Bizi Telegram-da izləyin...
