Valideynləri boşanmış uşaqlar daha çox bu xəstəliyə tutulur
"Stress diabetə səbəb ola bilər".
Redaktor.az "İzvestiya"ya istinadla xəbər verir ki, bunu psixiatr Dmitri Popov deyib.
"Diabetes mellitus xroniki endokrin xəstəlik kimi təsnif edilir. İki növdə olur və istehsal olunan insulin çatışmazlığından qaynaqlanır. 1-ci tip diabet, bir insanın orqanizmi bu hormonu kifayət qədər istehsal etmədikdə diaqnoz qoyulur. İkincisi, bədənin insulinə qarşı immuniteti olduqda. Diabetes mellitus hər yaşda başlaya bilər və psixosomatik köklərə malikdir. Belə ki, 1-ci tip diabetli uşaqların yarıdan çoxu valideynlərinin boşandığı ailədə olur",- deyə həkim qeyd edib.
Mütəxəssisin fikrincə, belə uşaqda insulin çatışmazlığı qorxu və ikrah vəziyyətinə, eləcə də vəziyyətə qarşı müqavimətə əsaslanır:
“Bunlar mədəaltı vəzinin cavab verməsi üçün güclü ilkin şərtlərdir. Müqavimət və mübarizə çox enerji, yəni şəkər tələb edir. Orqanizmdə onun səviyyəsinin yüksək olması üçün qanda insulini aşağı salmaq lazımdır”.
Popovun sözlərinə görə, yetkinlik dövründə baş verən 2-ci tip şəkərli diabetin səbəbləri də psixosomatik ola və illər ərzində toplana bilər.
Həmidə İBRAHİMLİ
Bizi Telegram-da izləyin...
