İnfarkt zamanı ilk tibbi yardım - Özünüzü itirməyin
Bir insanın infarkt keçirdiyini bu əlamətlərdən bilmək olar:
Bu barədə Redaktor.az "medicina.az"a istinadən xəbər verir.
-Döş qəfəsində və kürəkdə dözülməz ağrı. Bu ağrı nitroqliserin qəbulundan sonra da keçmir. Döş qəfəsinin sol hissəsi, sol əl və kürəyə yayılır. 30 dəqiqədən 2 saata kimi davam edə və daha çox çəkə bilər.
-Soyuq tər
-Sürətli nəbz
-İnsanın üzü ağarır, havası çatışmır, qorxur
-Sinir oyanıqlığı
-Ürəkbulanma, qusma.
Necə yardım etməli:
-Sakit, düz yerə uzadıb, təmiz hava axınını təmin etməli
-Dərhal təcili yardım çağırmalı
-Nitroqliserin verib, onu tam sovurmağı tapşırmalı. Növbəti həb 5-7 dəqiqədən sonra verilir. 3 dəfədən artıq vermək olmaz. Nitroqliserin yoxdursa, validolla əvəz edin. Arterial təzyiq tez-tez ölçülür. Əgər təzyiq çox aşağı düşsə, həb verilmir.
-Qəndin üzərinə 30 damcı korvalol damızdırıb vermək
-Tromblaşmanın qarşısını almaq üçün aspirin qəbulu. Suda həll olunub içilir. Ağrını kəsmək üçün analgin iynəsi vurula bilər
-Ayaqların altına isti "qrelka” qoymaq
-Təcili yardım gələnə kimi, kliniki ölüm baş versə, ürək massajı həyata keçirilməlidir.
Bizi Telegram-da izləyin...
