Tort və unlu qənnadı məmulatlarından UZAQ DURUN - dietoloq XƏBƏRDARLIQ ETDİ
Sağlam qidalanmanın əsas prinsipi zülalların, yağların, karbohidratların və vitaminlərin balansıdır.
Redaktor.az "lenta.ru"ya istinadən xəbər verir ki, bu barədə dietoloq Olqa Kondratenko bildirib.
Onun fikrincə, insana normal həyat üçün enerji lazımdır.
"Onun əsas mənbəyi karbohidratlardır ki, bu da qidanın gündəlik kalorili məzmununun 50 faizini təşkil etməlidir. Bununla belə, o, tort və unlu qənnadı məmulatları olmamalıdır. Uzun müddətli karbohidratlar vacibdir", - deyə mütəxəssis qeyd edib.
Kondratenko əlavə edib ki, bəzi insanların yağ yeməkdən imtina etməsi səhvdir. Onlar gündəlik qəbul edilən kalorinin ən azı 30 faizini təşkil etməlidirlər.
Bundan əlavə, dietoloq gündə lazımi miqdarda protein istehlak etməyin vacibliyini vurğulayıb.
"Kişilər üçün bu göstərici gündə orta hesabla 120 qram, qadınlar üçün isə 90-100 qram təşkil edir", - dietoloq qeyd edib.
Humay İSGƏNDƏRLİ
Bizi Telegram-da izləyin...
