Qışda arıq qalmağın YOLLARI
Qış aylarında soyuq və az günəş işığı qəbulu səbəbindən bədən çəkisi 5% -ə qədər arta bilər .
Redaktor.az "İzvestiya"ya istinadən xəbər verir ki, bunu qastroenteroloq Darya Utyumova deyib.
O bildirib ki, qışda çəkinin artması piy toxumasının yığılması nəticəsində yaranan fizioloji prosesdir:
"Bu səbəbdən orqanizmdə qida maddələrinin balansına nəzarət etmək lazımdır. Qışda soyuq və nadir günəşli günlər səbəbindən evdə daha çox vaxt keçiririk, sürətli karbohidratlı qəlyanaltılar pəhrizə "sakitcə" əlavə olunur. Bundan əlavə, iştah D vitamini çatışmazlığı səbəbindən də arta bilər. Bu vitamin leptinin ifrazına, paratiroid hormonunun və kalsitriolun - orqanizmdə yağ toxumasının yığılmasına səbəb olan maddələrin istehsalına təsir göstərir. Bir qayda olaraq, gündəlik D vitamini əlavələri qəbul etmək tövsiyə olunur. Həmçinin pəhrizinizə daha çox tərəvəz və meyvə, zülalla zəngin qidalar (ət, balıq, süd məhsulları) əlavə edin".
Həkim hətta soyuq havada da aktiv olmağı unutmamağı və həftədə ən azı 150 dəqiqə istənilən aerobik fəaliyyətlə məşğul olmağı tövsiyə edir.
Humay İSGƏNDƏRLİ
Bizi Telegram-da izləyin...
