Temperaturunuzu endirərkən bunları etməyin - Həkimdən XƏBƏRDARLIQ
İnsanlar üçün yüksək temperaturun öhdəsindən gəlmək üçün adi üsulların çoxu səhvdir.
Redaktor.az "lenta.ru"ya istinadən xəbər verir ki, bu barədə allerqoloq-immunoloq Yevgeniya Parşina danışıb.
Həkimin sözlərinə görə, araq və sirkə ilə ovuşdurmaqla temperaturu aşağı salmaq olmaz. Köhnə xalq üsulu xüsusilə uşaqlar üçün təhlükəli ola bilər.
“Anlamaq lazımdır ki, sirkə düzgün həll olunmadıqda dəri və ya selikli qişaların yanma riski artır və orqanizmin ciddi zəhərlənməsi də mümkündür. Bu, ürəkbulanma və ya hətta qusma, ağrı və başqaları kimi simptomlara səbəb olacaqdır. Araq həm də dəri vasitəsilə qana daxil olduğu üçün orqanizmin zəhərlənməsinə səbəb ola bilər”, - immunoloq izah edib.
Bundan əlavə, Parşina qeyd edib ki, rəqəmlər aşağı olduqda (38 dərəcəyə qədər) temperaturun aşağı salınmasına ehtiyac yoxdur. İmmunitet sisteminin xəstəliyə qalib gəlməsinə şərait yaratmaq lazımdır:
"Əgər 38 və ya daha yüksək temperatur, vəziyyətin ciddi şəkildə pisləşməsi yoxdursa, bədən ağrıları yoxdursa, gözləyə bilərsiniz. Ancaq bir insan, hətta 37 və bir qədər yüksək göstərici ilə də pis vəziyyətdədirsə, çətin anlar yaşayırsa, ciddi ümumi zəifliyi varsa, gözləməyə ehtiyac yoxdur”, - deyə həkim bildirib.
Yusif EYVAZLI
Bizi Telegram-da izləyin...
