Bayram günlərində 18 mindən çox insan təcili yardıma müraciət edib
Yeni il bayramı ilə əlaqədar qeyri-iş günlərində Respublika Təcili və Təxirəsalınmaz Tibbi Yardım Mərkəzi gücləndirilmiş iş rejimində fəaliyyət göstərib.
TƏBİB-dən Redaktor.az-a verilən məlumata görə, təcili tibbi yardım xidmətinə 31.12.2023-06.01.2024-cü il tarixlərində ümumi çağırışların sayı 18 351, hospital olunanların sayı isə 1 840 olub.
Çağırışların sayı ən çox 01.01.2024-cü il (çağırış sayı 2 723, hospitalizasiya olunanların sayı 305 olmaqla), 02.01.2024-cü il (çağırış sayı 2 713, hospitalizasiya olunanların sayı 274 olmaqla) və 31.12.2023-cü il tarixində (çağırış sayı 2 639, hospitalizasiya olunanların sayı 242 olmaqla) qeydə alınıb.
Çağırış səbəbləri əsasən arterial təzyiqin qalxması, kardioloji problemlər, travmalar, dispeptik əlamətlər, respirator xəstəliklər və s. ilə bağlı olub.
Bizi Telegram-da izləyin...
