Oturarkən yuxuya getmək bu xəstəlikdən xəbər VERİR
Oturarkən yuxuya getmək vərdişi, daimi apatiya və güclü emosionallığın gizli əlaməti ola bilər.
Redaktor.az xəbər verir ki, bu barədə nevroloq Ekaterina Demyanovskaya deyib.
Demyanovskaya xəbərdarlıq edib ki, oturarkən yuxuya getmə vərdişi təkcə yorğunluqdan yaranmır. Bu da ürək-damar xəstəliklərinin inkişafının əlaməti ola bilər.
"Ürək patologiyası olan adamda ağciyərlərdə mayenin durğunluğu yaranır, bu da nəfəs darlığına və sürətli nəfəs almağa səbəb olur. İlk vaxtlar bu əlamətlər yalnız fiziki fəaliyyət zamanı hiss olunur, lakin zaman keçdikcə istirahət zamanı yaranır və insan uzananda daha da güclənir. Buna görə də bəzən bu xəstəliyi olan insanlar yarı oturaraq yatırlar", - o bildirib.
Həkim onu da qeyd edib ki, adətən stress və yorğunluqla əlaqələndirilən xroniki apatiya, yorğunluq, yaddaş itkisi və süstlük çox vaxt anemiyanın əlamətləridir.
"Artan həyəcanlılıq, hiperaktivlik, gözyaşardıcılıq, əsəbilik və yuxusuzluq xəbərdarlıq əlaməti ola bilər. Tərləmə, sürətli arıqlama, taxikardiya və ya əllərin titrəməsi ilə müşayiət olunan bu cür nevropsik pozğunluqlar çox vaxt qalxanabənzər vəzin xəstəliyindən xəbər verir", - nevroloq vurğulayıb.
Yusif EYVAZLI
Bizi Telegram-da izləyin...
