Baş dərisində kəpəyin yaranma SƏBƏBLƏRİ
"Sürətli karbohidratlarla zəngin bir pəhriz kəpəyə səbəb ola bilər".
Redaktor.az "izvestiya"ya istinadla xəbər verir ki, bunu rusiyalı trixoloq Anastasiya Fedorova deyib.
Onun sözlərinə görə, kəpək xeyli narahatlıq yarada bilər, çünki o, təkcə paltarda nəzərə çarpmır, həm də qaşınma və baş dərisinin yağlanması ilə müşayiət olunur.
"Baş dərisinin soyulması adətən seboreik dermatitin təzahürüdür, lakin başqa səbəblər də ola bilər. Buna görə də, kəpək varsa, əsl səbəbi müəyyən etməyə və düzgün terapiya və evdə qulluq seçməyə kömək edəcək bir həkimə müraciət etmək vacibdir".
Həkim kəpəyi azaltmaq üçün qidalanmaya diqqət yetirməyi məsləhət görüb.
Onun sözlərinə görə, sürətli karbohidratlarla zəngin pəhriz kəpəyin yaranmasına təsir edə bilər. Heyvan südü, şokolad, ədviyyatlı, yağlı, qızardılmış, hisə verilmiş və fast food qidalar da buna səbəb ola bilər. Ona görə də pəhriz kifayət qədər tərəvəz və meyvələrdən ibarət olmalıdır, çünki diyetə kifayət qədər miqdarda lif daxil edilməsi kəpəyi 40% azaldır.
Həkim həmçinin gündə ən azı 1,5 litr təmiz su içməyi tövsiyə edib:
"Papaqlar baş dərisinə çox təzyiq göstərməməlidir və təbii materiallardan hazırlansa daha yaxşıdır".
Həmidə İBRAHİMLİ
Bizi Telegram-da izləyin...
