Təhlükəli həyat tərzi vərdişləri - Bunları etməyin!
Həkimlər insan rifahına zərər verən təhlükəli sağlamlıq təcrübələrindən danışıb.
Redaktor.az bu barədə "The Sun" nəşrinə istinadən xəbər verir.
Ortoped cərrah Poul Li hesab edir ki, xüsusi hazırlığı olmayan insanlar marafonlarda iştirak etməməlidir. O bildirib ki, texnikaya əməl edilməzsə, uzun qaçışlar dizlərdə və digər oynaqlarda daha çox gərginlik yaradacaq ki, bu da zədə və ağırlaşmalara səbəb ola bilər.
Terapevt Sara Jarvis deyib ki, yuxularını normaya salmaq istəyən bir çox insan yuxu dərmanı qəbul etməyə başlayır. Ancaq bu, xeyirdən çox zərər verir, çünki dərmanlar asılılıq yaradır və çox tez fəaliyyətini dayandırır: "Onları içən insanlar əslində içməyənlərdən daha yaxşı yatmırlar", - həkim əlavə edib.
Əczaçı Terrun Qovind isə təkcə yuxu dərmanı ilə deyil, həm də istənilən həbdən istifadə etməyi təhlükəli hesab edir. O, qeyd edib ki, bir çox xəstələr dərmanların xəstəlikləri tamamilə sağaltdığına inanır, baxmayaraq ki, əslində bütün dərmanların həddi var və möcüzə göstərə bilməz. Həkimin sözlərinə görə, xəstəliklərin kəskinləşməsinin qarşısını almaq və sağlamlığınıza gündəlik nəzarət etmək daha yaxşıdır.
NƏRGİZ
Bizi Telegram-da izləyin...
