Depressiya və piylənmə arasında ƏLAQƏ
"Depressiya ilə insanlar tez-tez təsəlli tapmaq və ya mənfi təcrübələrdən uzaqlaşmaq üçün emosiyaları “yeyirlər”. Həmçinin, depressiv epizod enerji və motivasiyanın azalması ilə müşayiət olunur ki, bu da fiziki fəaliyyətin minimuma enməsinə səbəb olur. Bütün bunlar kilo almağa və piylənmənin inkişafına səbəb olur".
Redaktor.az "izvestiya"ya istinadla xəbər verir ki, bunu rusiyalı həkim Bexan Xatsiev deyib.
O bildirib ki, orqanizmdə, xüsusən də qarın nahiyəsində piylərin yığılmasına depressiya zamanı yaranan stress hormonu olan kortizolun səviyyəsinin artması yardımçı olduğu qeyd edilir:
"Bundan əlavə, depressiyadan əziyyət çəkən insanlar maddələr mübadiləsini ləngidən yuxu pozğunluğundan əziyyət çəkirlər".
Həkim depressiyanın ilk əlamətlərində psixoterapevt və ya psixiatrla əlaqə saxlamağı məsləhət görüb. O, piylənmə kimi depressiyanın da insanın günahı olmadığına diqqət çəkib. Hər iki şərt vaxtında müalicə tələb edən ciddi xəstəliklərdir:
“Depressiya zamanı həyatın mənasını tapmağa və insana sevinci qaytarmağa kömək edəcək psixoterapevtə, dərman müalicəsi üçün psixiatra, piylənmə halında isə endokrinoloqa müraciət etmək vacibdir və zəruridir. Nə piylənmə, nə də depressiya “iradə” ilə aradan qalxmayacaq. Bunlar həkimlərin nəzarəti və dəstəyini tələb edən şərtlərdir”.
Həmidə İBRAHİMLİ
Bizi Telegram-da izləyin...
