Həkim piylənmənin mənfi təsirindən danışdı - Xərçəng riski
Piylənmə bütün bədənə, xüsusilə mədə-bağırsaq traktına mənfi təsir göstərir.
Redaktor.az xəbər verir ki, bu barədə dietoloq Şəfəq Sadıqova məlumat verib.
“Bu gün biz həqiqətən piylənmə pandemiyasına baxırıq. Üstəlik, bu xəstəlikdən təkcə böyüklər deyil, uşaqlar da əziyyət çəkir. Dəhşətlisi, piylənmənin mədə-bağırsaq traktına necə təsir etməsidir. Belə ki, obez insanlarda xəstəliklərin inkişaf riski daha yüksəkdir. Statistikaya görə, 90% hallarda alkoqolsuz yağlı qaraciyər xəstəliyi kök insanlarda inkişaf edir. O da məlumdur ki, piylənmə mədə və onikibarmaq bağırsağın xərçənginin inkişaf riskini artırır”, - Sadıqova bildirib.
Onun sözlərinə görə, laboratoriya parametrlərinin və diaqnostik testlərin qiymətləndirilməsi ilə yanaşı, xəstələrin sağlamlıq davranışlarını dəyişməyə hazırlığının qiymətləndirilməsi vacibdir.
Yusif EYVAZLI
Bizi Telegram-da izləyin...
