Yaşlı insanlar üşüməmək üçün necə geyinməlidirlər? - Həkim AÇIQLADI
Həkim-geriatri Konstantin Xromov yaşlı insanların qışda düzgün geyinmə yollarını açıqlayıb.
Redaktor.az bu barədə "lenta.ru"ya istinadən xəbər verir.
Həkimin sözlərinə görə, yaşlı insanlar gənclərə nisbətən daha tez üşüyürlər, ona görə də onlar geyim seçiminə ciddi yanaşmalıdırlar: “Çox qalın və təbəqəli geyinməlidirlər. Birinci təbəqə dərini qoruyan bədən təbəqəsidir”, - deyə o, aydınlıq gətirib.
Eyni zamanda mütəxəssis insanları təbii parçalardan hazırlanmış məhsullar geyinməyə çağırıb: “İkinci təbəqə isti, lakin çəki baxımından yüngüldür. Məsələn, yundan hazırlanmışdır. Üçüncü təbəqənin əsas vəzifəsi küləkdən qorunmaqdır. İzolyasiyalı şalvar və qalın, lakin yüngül gödəkçələr buna yarayacaq”, - Xromov bildirib.
Digər şeylər arasında mütəxəssis sürüşməyən altlığı olan rahat və isti ortopedik ayaqqabılar seçməyi məsləhət görüb.
Bundan əlavə, mütəxəssis gəzintidən bir saat əvvəl üzə nəmləndirici krem sürtməyin vacib olduğunu bildirib.
“KQocalıqda maye içmə rejimini saxlamaq lazımdır. Bu da dəri üçün faydalıdır”, - deyə həkim yekunlaşdırıb.
NƏRGİZ
Bizi Telegram-da izləyin...
