Gen terapiyası ürək xəstəlikləri riskini yavaşladır
Alimlər deyirlər ki, disfunksiyalı genin dəyişdirilməsi ürəyin əzələ divarlarının tədricən zəiflədiyi həyati təhlükəsi olan irsi xəstəlik - aritmogen sağ mədəciyin kardiomiopatiyasının inkişafını ləngidə bilər.
Redaktor.az bu barədə "Circulation: Genomic and Precision Medicine" jurnalında dərc olunan məqalədə bildirilir.
Aritmogen sağ mədəciyin kardiomiopatiyası ürək toxumasını bir yerdə saxlayan struktur zülalını kodlayan plakofilin 2 (PKP2) geninin disfunksiyası nəticəsində baş verir. Nəticədə ürəyin divarlarında lifli və yağlı toxumalar yığılaraq, ürək döyüntülərinin nizamsız olmasına səbəb olur və hətta ürəyin dayanması riskini artırır. Müasir müalicə üsulları normal ritmi bərpa etməyə kömək edir, lakin xəstəliyin səbəbini aradan qaldıra bilmir.
Yeni araşdırma göstərir ki, PKP2 funksiyasını itirən siçanlar genin normal versiyasını daşıyan gen terapiyasının bir dozası verildikdə beş aydan çox sağ qalıblar. Əvəzedici gen verilmiş gəmiricilər də dozadan asılı olaraq lifli toxuma əmələ gəlməsində 70-80 faiz azalma yaşayıblar.
Terapiya xəstəliyi əhəmiyyətli dərəcədə yavaşlada və toxuma itkisinin qarşısını ala bilər, çünki inkişaf etmiş mərhələlərdə ürək artıq o qədər zədələnir ki, tez-tez transplantasiya lazım olur.
NƏRGİZ
Bizi Telegram-da izləyin...
