İltihaba səbəb olan qidalar

 15:21 01.02.2024     187

Qastroenteroloq və diyetoloq Anastasiya Çijikova orqanizmdə iltihaba səbəb olan qidalardan danışıb.

Redaktor.az bu barədə "Gazeta.Ru"ya istinadən xəbər verir.

Çijikova qeyd edib ki, iltihab kəskin və xroniki ola bilər. Kəskin iltihab zədəyə qısamüddətli cavabdır və ağrı, şişlik, qızartı və qızdırma kimi özünü göstərə bilər. Xroniki iltihab müxtəlif amillərin səbəb ola biləcəyi uzunmüddətli prosesdir, məsələn: müalicə olunmamış infeksiyalar, tez-tez kəskin iltihab, toksinlərə məruz qalma, otoimmün xəstəliklər, stress, düzgün olmayan pəhriz...

Mütəxəssis qeyd edib ki, həddindən artıq şəkər istehlakı xroniki iltihaba səbəb ola bilər. Bu, öz növbəsində diabet, revmatoid artrit, bronxial astma, piylənmə, ürək və damar xəstəlikləri və xərçəng kimi ciddi xəstəliklərə səbəb ola bilər.

Həkimin sözlərinə görə, şirniyyatlar və şirinləşdirilmiş içkilər orqanizmi artıq karbohidratlarla yükləyir, bu isə həzm sisteminin işində və maddələr mübadiləsində pozğunluqlarla yol açır. Bu, bədənin müdafiəsini zəiflədir, onu iltihaba daha həssas edir.

Həkim şəkərlə yanaşı, artıq omeqa-6 yağ turşularının da orqanizmə zərərinə diqqət çəkib. Həddindən artıq miqdarda onlar iltihabi prosesləri stimullaşdıra bilərlər. Omeqa-6-nın belə mənbələri qarğıdalı, günəbaxan və fıstıq yağlarıdır. Qənnadı məmulatlarında və makaronda olan yüksək glisemik indeksli təmizlənmiş karbohidratlar da iltihaba səbəb olur. Bundan əlavə, qırmızı ət yemək: donuz əti, mal və quzu əti bədəndə iltihaba kömək edir.

Trans yağlar da iltihabın səbəbidir. Onlara hamburger, pizza, çips, bişmiş məmulatlar və souslar kimi məhsullarda rast gəlinir.

Diyetoloq Nuriya Dianova şirniyyatları təbii mənşəli şirniyyatlarla, məsələn, quru meyvələrlə əvəz etməyi məsləhət görür. Onun sözlərinə görə, bu, desert üçün şirniyyat yemək ritualını qoruyub saxlayacaq və sağlamlığı qoruyacaq. Eyni zamanda, unutmamalıyıq ki, bu gün demək olar ki, hər bir hazır məhsulda "gizli şəkər" var. Mütəxəssis qeyd edib ki, istehlak edilən şəkərin miqdarının azaldılması bir sıra xəstəliklərin inkişaf riskini azaltmağa kömək edəcək.

NƏRGİZ