Bu möcüzəvi içki yaşlanma əleyhinə maddələr ehtiva edir
"Ağcaqayın şirəsində C, B1, B2, B6 vitaminləri, kalsium, maqnezium, manqan, amin turşuları və antioksidantlar var".
Redaktor.az "lenta.ru"ya istinadən xəbər verir ki, bu barədə həkim Roman İvanov bildirib.
Onun sözlərinə görə, C vitamini immunitet sisteminin və kollagen sintezinin gücləndirilməsində əsas rol oynayır, B vitaminləri enerji mübadiləsi, sinir sisteminin fəaliyyəti və dərinin sağlamlığının qorunması üçün vacibdir və minerallar (kalium, maqnezium, kalsium, manqan və dəmir) həyati əhəmiyyət daşıyır.
"Amin turşuları toksinləri çıxarmağa və maddələr mübadiləsini dəstəkləməyə kömək edir, şirənin tərkibindəki yaşlanma əleyhinə antioksidantlar isə xroniki xəstəliklərin inkişaf riskini azaldır. Təzə yığılmış ağcaqayın şirəsini soyuducuda saxlamaq və bir-iki gün ərzində istehlak etmək daha yaxşıdır".
Həkim xroniki xəstəlikləri olmayan böyüklərə şəkər tərkibinə görə gündə 200-300 mililitrdən, uşaqlara isə 100-150 mililitrdən çox olmamağı tövsiyə edib.
İvanov xəbərdarlıq edib ki, şəkərli diabet, böyrək xəstəlikləri və ağcaqayın, yerkökü və ya almaya qarşı allergiyası olanlar ağcaqayın şirəsi içməkdən çəkinməlidirlər.
Yusif EYVAZLI
Bizi Telegram-da izləyin...
