Rinoplastikanın RİSKLƏRİ

 09:33 16.04.2024     191

"Rinoplastika, burnun formasını dəyişdirmək üçün məşhur bir plastik əməliyyatdır, lakin bəzi hallarda bu prosedur ciddi problemlərlə doludur".

Redaktor.az "İzvestiya"ya istinadən xəbər verir ki, bunu plastik cərrah İlyana Qonçarova deyib.

Cərrah bildirib ki, rinoplastika "photoshop" deyil, sevdiyiniz aktrisa kimi burnunuzu üzünüzə kopyalayıb yapışdıra bilməzsiz:

"Hər bir insanın özünəməxsus anatomik xüsusiyyətləri, dəri tipi və üz cizgiləri var. Buna görə də, cərrahi müdaxilə burnun formasını kökündən dəyişdirə bilməz. Prosedurun nəticəsindən gözləntilər reallıqdan əhəmiyyətli dərəcədə fərqlənə bilər. “Reabilitasiya dövründə burun şişlik səbəbindən geniş görünə bilər, planlı hiperkorreksiyaya görə ucu yuxarı qalxa bilər və dərinin büzülməsi üçün vaxt lazım olduğundan onun profili böyük görünə bilər. İlk iki həftədə sifətdə göyərmə və şişkinlik ola bilər”.

Həkim əməliyyatdan sonrakı ilk ay eynək taxmamaq, arxa üstə yatmaq kimi cərrahın tövsiyələrinə əməl etməyin vacib olduğunu vurğulayıb.

Bundan əlavə, psixoloji aspektlər vacibdir. Reabilitasiya uzun müddət çəkəcəyi üçün qarşılıqlı əlaqədə özünüzü rahat hiss edəcəyiniz bir həkim tapmaq lazımdır.

Rinoplastikanın ciddi zərər verə biləcəyi bir sıra tibbi əks göstərişlər var.

“Əməliyyat hamiləlik dövründə qəbuledilməzdir, ana südü zamanı tövsiyə edilmir və orta və ya ağır anemiya hallarında, həmçinin xəstəliklərin kəskin mərhələlərində və xroniki xəstəliklərin kəskinləşməsi zamanı əks göstərişdir. Əks göstərişləri aydınlaşdırmaq üçün həkiminizlə məsləhətləşməlisiniz”, - deyə mütəxəssis qeyd edib.

Humay İSGƏNDƏRLİ