Davamlı baş ağrısı ölümcül bir xəstəliyin əsas simptomu ola bilər

 20:05 31.05.2024     555

"Davamlı baş ağrısı beyin şişinin əlaməti ola bilər". 

Redaktor.az "lenta.ru"ya istinadən xəbər verir ki, bu barədə nevroloq Elena Leşke xəbərdarlıq edib. 

Nevroloq baş ağrısının beyin şişinin əsas əlamətlərindən biri olduğunu, eyni zamanda qrip, yüksək təzyiq, stress və yorğunluq kimi digər səbəblərdən də yarana biləcəyini qeyd edib. Eyni zamanda, həkimə görə, inkişaf edən bir şişi göstərən ağrının bir sıra xarakterik xüsusiyyətləri var.

"Öskürmə, asqırma və ya fiziki fəaliyyətlə pisləşən baş ağrıları, görmə, eşitmə, qoxu, dad və ya koordinasiya dəyişiklikləri ilə müşayiət olunan ağrı, kramplar, yaddaş, əhval və ya davranış dəyişiklikləri ilə müşayiət olunan ağrılar şiş böyüməsinin əlamətləridir".

Yusif EYVAZLI