Bu qadınların körpələri gələcəkdə xərçəngə meylli olur
Hamilə qadınların istiyə məruz qalması onların gələcək körpəsində qan xərçəngi riskini artıra bilər.
Redaktor.az xəbər verir ki, bunu “The Lancet Planetary Health” jurnalında dərc olunan araşdırma göstərib.
Kəskin limfoblastik lösemi (ALL) uşaq və yeniyetmələrdə ən çox rast gəlinən xərçəng növüdür. Tədqiqatlar göstərib ki, onun formalaşması üçün əsas intrauterin inkişaf zamanı qoyulur. Məsələn, hamilə qadın havanın çirklənməsinə məruz qalırsa, uşaqda ALL riski artır.
Alimlər indi 6 min ALL xəstənin və 300 min sağlam uşağın məlumatlarını təhlil ediblər. Onlar həftəlik 30 və ya 10 dərəcə temperaturun leykemiya riskinə necə təsir etdiyini müqayisə ediblər. Məlum olub ki, dölün inkişafı zamanı yüksək temperatura məruz qalan uşaqlar daha çox xəstələniblər.
Tədqiqat uşaqlıq xərçəngi ilə dölün inkişafı zamanı istiyə məruz qalma arasında əlaqəni tapan ilk tədqiqatdır. İstilikdən qaynaqlanan zərər reaktiv oksigen növlərindən hüceyrə zədələnməsi, gen aktivliyindəki dəyişikliklər və ya iltihab nəticəsində ola bilər. Nəticələr gələcək tədqiqatlarda təsdiqlənəcək.
Sevinc İBRAHİMZADƏ
Bizi Telegram-da izləyin...
