Səhər yeməyi üçün 5 vacib TƏRƏVƏZ
"Brokoli, ispanaq, Brüssel kələmi, yerkökü və şirin kartof" - bu tərəvəzlər səhər yeməyinizi şaxələndirməyə və arıqlamağa kömək edəcək.
Redaktor.az xəbər verir ki, bu barədə terapevt və dietoloq Pol Daydon "SheFinds" saytına bildirib.
Brokoli iltihab əleyhinə xüsusiyyətlərə malikdir, həzmi yaxşılaşdırır və qan şəkərinin səviyyəsini normallaşdırır. Həkim onu omletə əlavə etməyi məsləhət görüb.
Brüssel kələmi də oxşar xüsusiyyətlərə malikdir.
Yerköküdən alınan beta-karoten və pəhriz lifi həzm üçün faydalıdır. Dietoloq qeyd edib ki, onu sürtgəcdən keçirib qatıq və ya smuzilərə əlavə etmək olar.
Dəmir və kalsiumla zəngin olan ispanaqdan salat və ya omletdə istifadə etmək olar.
Həkim əlavə edib ki, şirin kartof iltihab əleyhinə xüsusiyyətlərə malikdir. Yüksək lif tərkibi həzm sağlamlığını dəstəkləyir və qan şəkərinin səviyyəsini sabitləşdirir.
Bundan əvvəl həkim qan damarlarını qorumaq və susuzluğu yatırmaq üçün istidə cəfəri və tərxun kimi bitkilərdən hazırlanan şirələr içməyi məsləhət görüb.
Sultan AYXAN
Bizi Telegram-da izləyin...
