Bu dərmanlar nikotin asılılığını azalda bilər - Alimlər AÇIQLADI
"Araşdırmalar göstərir ki, diabet və piylənmə dərmanları "Ozempic" və "Vegovi" beyin sağlamlığını yaxşılaşdıra və insanların nikotinə olan aludəliyini azalda bilər".
Redaktor.az xəbər verir ki, bu barədə "Daily Mail" məlumat yayıb.
"Semaglutide" - arıqlamaq və qan şəkərinə nəzarət üçün inqilabi dərmanlar olan "Ozempic" və "Vegovi"nin aktiv tərkib hissəsidir. Yeni araşdırmada tədqiqatçılar tip 2 diabetli 120.000 amerikalının məlumatlarını təhlil ediblər. Alimlər "Semaglutide" və digər dərmanların psixi pozğunluq riskinə təsirini müqayisə etdilər.
"Semaglutide" qrupunda ensefalit riski 74%, yaddaş və düşüncə pozğunluğu 28%, demans 37-48%, nikotindən sui-istifadə 23-28% azalıb.
Alimlər vurğulayıblar ki, onların tədqiqatı müşahidə xarakteri daşıyır və buna görə də səbəb-nəticə əlaqəsini sübut etmir.
"Semaglutide" iştahı azaltmaqla işləyir. Yan təsirlərə səbəb ola bilər: ürəkbulanma, qəbizlik, ishal, yorğunluq, mədə ağrısı, baş ağrısı və başgicəllənmə. Bəzi xəstələr də saç tökülməsindən şikayətlənirlər.
Turan İSMAYIL
Bizi Telegram-da izləyin...
