Niyə hər gün zeytun yeməliyik?
Mütəxəssislər hər gün zeytun yeməyin təsirlərini açıqlayıblar.
Redaktor.az lent.az-a istinadən xəbər verir ki, zeytun E vitamini ilə zəngindir, tərkibində A vitamini, mis, kalsium və dəmir, həmçinin antioksidantlar var və bununla da xərçəng, diabet və ürək xəstəliklərinin inkişaf riskini azaldır.
Zeytunun gündəlik istehlakı meyvənin tərkibindəki oleokantal sayəsində Alzheimer xəstəliyinin, eləcə də digər beyin xəstəliklərinin inkişaf riskini azaldır.
Zeytun yağının antioksidan, antibakterial və vitamin xüsusiyyətlərinə görə dəri sağlamlığı üçün faydalıdır. Onlar dərini nəmləndirir, vaxtından əvvəl qocalmadan qoruyur və vəziyyətini yaxşılaşdırır.
Alimlər hesablayıblar ki, sağlamlığı qorumaq üçün gündə 16 ədəd zeytun yemək lazımdır.
Günün istənilən vaxtı zeytun yeyə bilərsiniz, lakin mütəxəssislər yatmazdan əvvəl tövsiyə edirlər, çünki zeytun istehlakı yuxunu yaxşılaşdırır.
Bizi Telegram-da izləyin...
