Pis əhval-ruhiyyə ilə mübarizə aparmağın asan YOLU
"Serotonin, dopamin və endorfin çatışmazlığını özünüz kompensasiya etməyə cəhd edə bilərsiniz".
Redaktor.az lenta.ru-ya istinadən xəbər verir ki, bu barədə bioloq İrina Lyalina bildirib.
Bioloq xoş musiqi dinləməyi və ya yaradıcılıqla və hobbi ilə məşğul olmağı məsləhət görüb.
"Bundan əlavə, bütün gün üçün müsbət əhval-ruhiyyə üçün iki və ya üç dilim şokolad yeyə və ya bir stəkan kakao içə bilərsiniz. Şokolad, xüsusən də tünd şokolad əhval-ruhiyyəni gücləndirir. Beyni endorfin istehsalını stimullaşdırır. Kakaonun tərkibində triptofan var - beyində bu amin turşusu əhval-ruhiyyəni yaxşılaşdıran, depressiya və narahatlığın öhdəsindən gəlməyə kömək edən serotoninə çevrilir.
Şokolad və kakaonun tərkibində də olan teobromin və kofein maddələri mərkəzi sinir sistemini aktivləşdirir, insanı daha ayıq və sayıq edir, enerji səviyyəsini artırır, idrak funksiyalarını yaxşılaşdırır, yaxşı əhval-ruhiyyə yaradır, flavonoidlər isə antioksidant xüsusiyyətlərə malikdie.
Dostlarla görüş, xüsusilə təmiz havada, keyfiyyətli yuxu və istirahət də kədərdən qurtulmağa kömək edə bilər, deyə mütəxəssis yekunlaşdırıb”, - deyə o bildirib.
Yusif EYVAZLI
Bizi Telegram-da izləyin...
