COVID-19-un beyinə əks təsirləri AŞKARLANDI
Liverpul Universiteti, London Kral Kolleci və Kembric Universitetinin alimləri COVID-19-un beyinə ciddi təsirlərini aşkar ediblər.
Redaktor.az xəbər verir ki, araşdırmanın nəticələri "Nature Medicine" jurnalında dərc olunub.
Onlar müəyyən ediblər ki, COVID-19 ilə xəstəxanaya yerləşdirilən xəstələr buraxıldıqdan 12-18 ay sonra nəzarət qrupu ilə müqayisədə daha pis koqnitiv funksiya göstərirlər. Bu pisləşmə beyin həcminin azalması, həmçinin beyin zədələnməsi ilə əlaqəli zülalların səviyyəsinin artması ilə əlaqələndirilir. Məlumatlar göstərir ki, koqnitiv pozğunluq 20 illik normal qocalmaya bərabərdir.
Tədqiqat üçün 351 xəstə cəlb edilib. Onların hamısı COVID-19-dan ağır formada əziyyət çəkib və xəstəxanaya yerləşdirilməsini tələb ediblər. Onların koqnitiv balları 3000 nəzarət qrupunun göstəriciləri ilə müqayisə edilib.
Xəstələrdə xəstəxanaya yerləşdirilərkən əhəmiyyətli nevroloji ağırlaşmalar olmasa belə, koqnitiv çatışmazlıqlar müşahidə olunur.
Tapıntılar COVID-19-un beyin və idrak funksiyasına uzunmüddətli təsirləri ilə bağlı əlavə araşdırmalara ehtiyac olduğunu vurğulayır.
Türkan İSGƏNDƏRLİ
Bizi Telegram-da izləyin...
