Sümük qırıqlarını təxmin edə bilən süni zəka modeli yaradıldı
İsveçdə Uppsala Universitetinin alimləri yaşlı insanlarda omba sınığı riskini dəqiq proqnozlaşdıra bilən klinik model hazırlayıblar. Bütün İsveç əhalisinin məlumatlarının təhlilinə əsaslanan bu model skelet gücünü ölçməyə ehtiyac olmadan yüksək riskli xəstələri müəyyən etməyə imkan verir.
Redaktor.az xəbər verir ki, tədqiqatın nəticələri "eClinicalMedicine" jurnalında dərc olunub.
İsveçdə hər il təqribən 15 000 omba sınığı baş verir. Bu da yüksək ölüm göstəriciləri və xəstələrin tibb işçiləri, yaxud yaxınlarından asılılığının artması ilə nəticələnir. Statistikaya görə, qurbanların 25%-i zədədən sonra ilk il ərzində ölür.
Yeni yaradılan model isə yaş, evdə qulluq xidmətlərindən istifadə, parkinson xəstəliyi və demans kimi diaqnozlar daxil olmaqla 19 dəyişənə əsaslanır. O, tibb işçilərinə bahalı densitometriya avadanlığına giriş olmadan risk qiymətləndirmələrini həyata keçirməyə imkan verir.
Əgər beş il ərzində sınıq riski 3% və ya daha çox olarsa, profilaktik müalicə faydalı ola bilər.
Sevinc İBRAHİMZADƏ
Bizi Telegram-da izləyin...
