Qırmızı ət bu xəstəliyə səbəb ola bilər
Qırmızı ət əla protein, B vitaminləri, dəmir və sink mənbəyidir. Ancaq uzun müddətdir ki, ürək xəstəliyi, xərçəng və vaxtından əvvəl ölüm riskinin artması ilə əlaqələndirilir. Bu ətin 2-ci tip diabetlə əlaqəli olduğu isə çox az məlumdur.
Redaktor.az xəbər verir ki, "The Lancet"də dərc olunan məqalədə qırmızı ət istehlakı ilə 2-ci tip diabet arasında əlaqə vurğulanır.
Bu tədqiqatda Amerika, Aralıq dənizi, Avropa, Cənub-Şərqi Asiya və Qərbi Sakit okean ölkələrinin (ümumilikdə 20 ölkə) sakinləri iştirak ediblər.
Təxminən 2 milyon insan üzərində aparılan son araşdırma, işlənməmiş qırmızı ət (mal əti, quzu əti) və işlənmiş ətin yüksək istehlakının 2-ci tip diabet riskini artırdığını göstərib. Mütəxəssislər həmçinin quş əti istehlakı ilə 2-ci tip diabetin tezliyi arasında əlaqə tapıblar. Lakin o, daha zəif və əhalidən asılı olaraq müxtəlif olub.
Qırmızı ətdə doymuş yağ yüksəkdir və doymamış yağ isə azdır. Bu insulin həssaslığını poza bilər.
Elmi araşdırmalar bitki mənşəli qidalarla müqayisədə heyvan mənşəli yüksək protein qəbulunun 2-ci tip diabetin inkişaf ehtimalını artırdığını göstərib. Bu, heyvan zülallarında yüksək səviyyəli dallı zəncirli amin turşularının (BCAA) olması ilə əlaqədar ola bilər.
Sevinc İBRAHİMZADƏ
Bizi Telegram-da izləyin...
