Heç vaxt siqaret çəkməyən insanlarda ağciyər xərçəngi ARTIR
Heç vaxt siqaret çəkməyənlər arasında ağciyər xərçəngi diaqnozu nisbəti artdıqca, yeni araşdırmalar göstərir ki, hava çirkliliyi bütün dünyada ağciyər xərçənginə daha çox səbəb olur.
Redaktor.az-ın yerli mediaya istinadla məlumatına görə, Beynəlxalq Xərçəng Araşdırmaları Agentliyinin tədqiqatçıları bildiriblər ki, heç vaxt siqaret çəkməyənlər üçün ağciyər xərçəngi dünyada xərçəngdən ölümlərin beşinci səbəbidir. Bu hallar demək olar ki, yalnız adenokarsinoma alt tipinə aiddir. Vəzi toxumasında meydana gələn və əsasən qadınlarda müşahidə olunan bir şişdir.
"The Lancet Respiratory Medicine" jurnalında dərc edilən araşdırma havanın çirklənməsinə görə ağciyər xərçəngi riskinin xüsusilə Şərqi Asiya və Çində artdığını və 2022-ci ildə bütün adenokarsinoma hadisələrinin təxminən 15 faizini havanın çirklənməsinin nəticəsi olduğunu göstərir.
Tədqiqatçılar həmçinin qeyd ediblər ki, evdə isitmə və yemək bişirmək üçün yanan bərk yanacağın təsiri heç vaxt siqaret çəkməyən çinli qadınlar arasında ağciyər xərçənginə tutulma hallarının artmasına səbəb ola bilər.
Vasif ƏLİHÜSEYN
Bizi Telegram-da izləyin...
