Virusoloq ÜST-nin yeni pandemiyaya hazırlaşmaq çağırışını “cəfəngiyyat” adlandırdı
Rusiya Elmlər Akademiyasının müxbir üzvü, rusiyalı virusoloq Petr Çumakov Ümumdünya Səhiyyə Təşkilatının (ÜST) yeni pandemiyaya hazırlaşmaq zərurəti ilə bağlı bəyanatını tənqid edib.
Redaktor.az xəbər verir ki, o, lenta.ru-ya müsahibəsində təşkilatı “ölməkdə olan” adlandırıb və onu əczaçılıq korporasiyalarının maraqlarını təbliğ etməkdə ittiham edib.
"Bu, tamamilə cəfəngiyyatdır. ÜST-yə qulaq asmağa dəyməz - onların əczaçılıq şirkətləri üçün lobbiçiliklə bağlı siyasi və maliyyə gündəmi var. İnsanları lazımsız yerə qorxutmağa ehtiyac yoxdur", Çumakov deyib.
Xatırladaq ki, aprelin 2-də ÜST-nin baş direktoru Tedros Adhanom Qebreyesus növbəti pandemiyanın "tezliklə başlaya biləcəyini" xəbərdar edib. O, ölkələri hərəkətləri əlaqələndirmək üçün qlobal razılaşma yaratmağa çağırıb.
Turan İSMAYIL
Bizi Telegram-da izləyin...
