Fitness təlimçisi bu hərəkətin faydalarını açıqladı
Fitness məşqçisi Akulina Baxturina burpi məşqinin faydaları haqqında danışıb.
Redaktor.az xəbər verir ki, o, bu barədə jurnalistlərə açıqlamasında məlumat verib.
Məşqçi qeyd edib ki, burpi çömbəlmə, plank, təkan və sıçrayış elementlərini özündə birləşdirən funksional bir hərəkətdir. Onun sözlərinə görə, düzgün texnika ilə icra edilən burpi bədən mövqeyində bir neçə dəyişikliyi əhatə edir.
“Düz dayanaraq, ayaqları çiyin genişliyində açın. Çömbələrək əllərinizi yerə qoyun. Sonra ayaqları geri itələyin və plank vəziyyətinə keçin. Bir təkan verin, daha sonra yenidən çömbəlmə vəziyyətinə qayıdın və sonda qollarınızı yuxarı qaldıraraq sıçrayın”, – deyə Baxturina izah edib.
O əlavə edib ki, bu məşqi rəvan şəkildə və bədəni əymədən yerinə yetirmək vacibdir. Yeni başlayanlara isə sadələşdirilmiş variant tövsiyə olunur, sıçrayış əvəzinə addımlarla plank vəziyyətinə keçmək, təkan hərəkətini çıxarmaq və ya sonda sıçramamaq mümkündür.
Mütəxəssisin sözlərinə görə, burpi aşağı bədən (qalça, ön bud, baldır), əsas (qarın, bel, yandan qarın əzələləri) və yuxarı bədən (sinə, triseps, çiyinlər) əzələlərini çalışdırır. Bundan əlavə, bu məşq ürək-damar sistemini gücləndirir və bədənin ümumi dözümlülüyünü artırır.
Aytəkin TOFİQQIZI
Bizi Telegram-da izləyin...
