Kabab bişirərkən daha az yağlı ətlərdən istifadə etmək məqsədəuyğundur
Qastroenteroloq Mariya Petraçenkova yay aylarında kababdan zəhərlənmə hallarının artdığını bildirib.
Redaktor.az xəbər verir ki, o, bu haqda lenta.ru-ya müsahibəsində danışıb.
Mütəxəssis qeyd edib ki, insanlar yeməkləri əvvəlcədən çox miqdarda hazırlayıb vaxtında istifadə etmədikdə zəhərlənmə riski artır.
“Belə hallarda qidada patogen bakteriyalar sürətlə çoxalmağa başlayır və onların həyat fəaliyyəti nəticəsində toksinlər əmələ gəlir. Bu maddələr orqanizmə daxil olduqda ürəkbulanma, qusma, qarın ağrısı və hərarət kimi tipik zəhərlənmə əlamətləri yaranır”, - deyə Petraçenkova izah edib.
Onun sözlərinə görə, zəhərlənmə riskini azaltmaq üçün qrildə daha az yağlı ət növləri toyuq döşü, hinduşka, dana əti, yağsız donuz əti, balıq və ya dəniz məhsulları, həmçinin tərəvəz və göbələk qızartmaq daha məqsədəuyğundur.
“Yalnız kababdan deyil, həmçinin düzgün saxlanılmayan, kifayət qədər bişirilməyən, istifadə müddəti keçmiş qidalardan və gigiyenaya əməl edilmədən hazırlanan istənilən yeməkdən də zəhərlənmək mümkündür”, - deyə həkim əlavə edib.
Aytəkin TOFİQQIZI
Bizi Telegram-da izləyin...
