Bu qidalar tez xarab OLUR
İsti hava patogen bakteriyaların sürətlə çoxalması üçün əlverişli şərait yaradır və bu da bir çox məşhur pivə ilə qəbul edilən qəlyanaltıları sağlamlıq üçün təhlükəli hala gətirir.
Redaktor.az xəbər verir ki, bu haqda qida mütəxəssisi Anastasiya Lebedeva aif.ru-ya danışıb.
Mütəxəssis bildirib ki, xüsusilə hisə verilmiş ət, kolbasa və şaşlıq kimi məhsullar düzgün saxlanmadıqda salmonella və stafilokokk bakteriyaları ilə tez çirklənə bilər. Bundan əlavə, balıq məhsulları, xüsusilə qurudulmuş balıqlar, karides və kalmar kimi dəniz məhsulları yüksək protein və rütubət səbəbindən tez xarab olur və zəhərlənmə və ya allergik reaksiyalar yarada bilər.
Lebedevanın sözlərinə görə, duzlu qəlyanaltılar çipslər, krutonlar, qoz-fındıq və s. – böyük miqdarda pivə ilə birlikdə istehlak edildikdə qaraciyər və böyrəklərə əlavə yük yaradır. İsti havada bu, orqanizmin susuz qalması riskini artırır.
Mütəxəssis həmçinin xatırladıb ki, mavi pendirlər, eləcə də Camembert və Brie kimi yumşaq pendirlər yüksək temperaturda bakteriyaların, o cümlədən listeriyaların aktivləşməsinə səbəb ola bilər.
Dietoloq bu məhsulların yay aylarında xüsusilə ehtiyatla seçilməsini və istehlak edilməsini tövsiyə edir.
Aytəkin TOFİQQIZI
Bizi Telegram-da izləyin...
