Siqaretdən imtina etmək son dərəcə vacibdir - onkoloq
Siqaret ağciyər xərçənginin ən çox yayılmış səbəbidir.
Redaktor.az xəbər verir ki, bu barədə onkoloq Suna İsakova aif.ru-ya müsahibəsində danışıb.
Həkim bildirib ki, ağciyər xərçəngi hallarının təxminən 80 faizi siqaretdən qaynaqlanır.
“Siqaretdən imtina etmək son dərəcə vacibdir. Bu işdə terapevt, psixoloq və ya psixiatr kömək edə bilər. Onların istifadəsi həm də ağciyər xərçənginin inkişafına səbəb ola bilər. Vaplara keçid də çox vaxt siqareti tərgitməyin mümkün yolu hesab olunur, lakin araşdırmalar göstərir ki, bu məqsədlə vaplara keçid adətən istənilən nəticəyə gətirib çıxarmır”, - deyə həkim xəbərdarlıq edib.
O, əlavə edib ki, tərkibində asbest, nikel, xrom, kadmium olan tozların inhalyasiyası da ağciyər xərçənginin inkişafı üçün risk faktoru hesab olunur -sənaye şəraitində onunla təmasda olmaq mümkündür. Onkoloq belə müəssisələrdə çalışanlara fərdi qoruyucu vasitələrdən, məsələn, respiratorlardan istifadə etməyi tövsiyə edib.
Həkim bəzi xroniki ağciyər xəstəliklərini məsələn, xroniki bronxit və ya xroniki obstruktiv ağciyər xəstəliyi - bu onkoloji xəstəliyi təhrik edən başqa bir səbəb kimi adlandırdı. “Hər hansı ağciyər xəstəliyiniz varsa, mütəmadi olaraq müayinələrdən keçmək və həkimin tövsiyələrinə əməl etmək tövsiyə olunur”.
Aytəkin TOFİQQIZI
Bizi Telegram-da izləyin...
