Bu üsulla qidalanmaq beyin sağlamlığını qoruyur
Harvard Universitetinin Tibb Fakültəsi nəzdində aparılan yeni bir araşdırma göstərib ki, Aralıq dənizi tipli qidalanma tərzi yaşla bağlı yaddaş pozğunluqlarının qarşısını ala bilər.
Redaktor.az xəbər verir ki, tədqiqatda iştirak edən 6.000-dən çox orta yaşlı şəxs üzərində aparılan 10 illik izləmə nəticəsində məlum olub ki, meyvə, tərəvəz, zeytun yağı, balıq və tam taxıllarla zəngin olan bu qidalanma forması Alzheimer xəstəliyinin inkişaf riskini 23% azaldır.
Tədqiqatın rəhbəri, professor Eliza Grant bildirir:
“Söhbət təkcə pəhrizdən getmir. Bu həyat tərzi, orqanizmin iltihab səviyyəsini azaldır, beyin damarlarının sağlam qalmasına kömək edir və neyrodegenerativ dəyişiklikləri yavaşladır".
Araşdırma göstərib ki, emal olunmuş ət məhsulları, şəkərli içkilər və sürətli yeməklərdən uzaq duran iştirakçılaryaddaş testlərində daha yüksək nəticələr göstəriblər.
BMT-nin Səhiyyə Təşkilatı da bu nəticələri müsbət qarşılayaraq, Aralıq dənizi qidalanmasının qlobal səviyyədə təşviq olunmasını tövsiyə edib.
Nuriyyə NATİQQIZI
Bizi Telegram-da izləyin...
