Azyşalı uşaq tort bəzəyi ilə oynadığı üçün komaya DÜŞDÜ
Avstraliyada Dasti adlı bir yaşlı oğlan anasının ad günü üçün hazırlanan tortun bəzəyi ilə oynadıqdan sonra ağır vəziyyətə düşüb.
Redaktor.az xəbər verir ki, bu barədə “The Mirror” nəşri məlumat yayıb.
Ailə dostu Roşel Evrardın sözlərinə görə, hadisə ananın tort hazırladığı zaman baş verib. Uşaq dekorativ qızıl tozundan bir ovuc götürərək onu nəfəs almağa başlayıb. Nəticədə tozun su ilə təmasda pastaya çevrilməsi Dastinin ağciyərlərində ciddi tıxanmaya səbəb olub.
Həkimlər uşağı vəziyyətinin ağırlığına görə tibbi komaya salıblar. Daha sonra ağciyərlərin təmizlənməsi üçün cərrahi müdaxilə həyata keçirilib.
Hazırda Dasti xəstəxanada ağır vəziyyətdə müalicə alır. Onun təkbaşına nəfəs ala bilmədiyi üçün yaxın günlərdə tənəffüs borusunun tənzimlənməsi məqsədilə əlavə əməliyyat olunacağı bildirilib.
Aytəkin TOFİQQIZI
Bizi Telegram-da izləyin...
