Səhər yeməyinə bu qidanı əlavə EDİN
Səhər yeməyinə avokado əlavə etmək faydalıdır.
Redaktor.az xəbər verir ki, bu haqda kardioloq Sara Aleksandr aif.ru-ya danışıb.
Həkim bildirib ki, bu meyvə xolesterol səviyyəsini azaltmağa və qan təzyiqini normal saxlamağa kömək edir.
Onun sözlərinə görə, həftədə ən azı iki porsiya avokado yeyən insanlarda ürək-damar xəstəlikləri və koroner ürək xəstəliyi riski daha aşağı olur.
Mütəxəssis qeyd edib ki, avokadonun tərkibindəki bitki sterolları xolesterolun azalmasına kömək edir. Meyvə həmçinin antioksidantlar, E vitamini və damar sağlamlığını dəstəkləyən faydalı maddələrlə zəngindir.
Sara Aleksandr avokadonun yüksək lif tərkibinə də diqqət çəkib. O bildirib ki, avokadonun yarısı gündəlik lif ehtiyacının təxminən dörddə birini qarşılayır. Bundan əlavə, meyvədə banandan daha çox kalium var ki, bu da qan təzyiqinin tənzimlənməsinə kömək edir.
Aytəkin TOFİQQIZI
Bizi Telegram-da izləyin...
