Dərini kəsir, qanaxmaya səbəb olur: Bu həşəratlar niyə təhlükəlidir?
At milçəklərinin dişləməsi digər həşəratlarla müqayisədə daha ağrılı olur.
Redaktor.az xəbər verir ki, bioloq Dmitri Safonov at milçəklərinin dişləməsinin səbəbini onların ağız hissələrinin quruluşu ilə əlaqələndirib.
Onun sözlərinə görə, ağcaqanadlar dərini nazik xortumla deşərək qan soruduğu halda, at milçəklərinin ağız hissələri dərini kəsməyə imkan verir. Dişi at milçəklərinin ağız aparatında iti, mişarvari kəsici hissələr yerləşir və həşərat qanla qidalanmaq üçün dərini kəsir.
Bu səbəbdən at milçəyinin dişləməsi zamanı kəskin və yanma xarakterli ağrı yarana bilər. Dişlənilən nahiyədə şişkinlik, qızartı və qanaxma da müşahidə oluna bilər.
Mütəxəssislərin məlumatına görə, at milçəklərinin yalnız dişiləri qanla qidalanır. Onlar yumurtaların inkişafı üçün qana ehtiyac duyurlar.
At milçəyi dişləmələri adətən ciddi təhlükə yaratmır, lakin bəzi hallarda güclü allergik reaksiya və infeksiya riski yarana bilər.
Aytəkin TOFİQQIZI
Bizi Telegram-da izləyin...
