Alimlərdən yaddaşla bağlı mühüm ARAŞDIRMA
Müntəzəm fiziki aktivlik Parkinson xəstəliyi olan insanlarda yaddaş, düşünmə və hərəkət funksiyalarının pisləşməsini ləngidə bilər.
Redaktor.az xəbər verir ki, bu qənaətə ABŞ-nin Cincinnati Universitetinin alimləri gəlib. Araşdırmanın nəticələri “Neurology” jurnalında dərc olunub.
Tədqiqatda Parkinson xəstəliyinin yüngül və orta mərhələsində olan 294 nəfər iştirak edib. İştirakçıların orta yaşı 66 olub. Onların vəziyyəti yeddi ilədək izlənilib və hər il yaddaş, düşünmə qabiliyyəti və hərəkət pozuntularının səviyyəsi qiymətləndirilib.
İştirakçılar fiziki aktivliyə sərf etdikləri vaxta görə üç qrupa bölünüb: həftədə dörd saata qədər, dörd-səkkiz saat və səkkiz saatdan çox.
Araşdırmada yalnız idman məşqləri deyil, sürətli yerimə, üzgüçülük, ev işləri və gündəlik digər fiziki fəaliyyətlər də nəzərə alınıb.
Aytəkin TOFİQQIZI
Bizi Telegram-da izləyin...
