Peyğəmbərin məsləhət gördüyü MÖCÜZƏVİ BİTKİ

 06:45 29.05.2020     934

Min bir dərdin dərmanı olan, elmi adı ilə çörəkotu, xalq aqrasında isə qara zirə kimi tanınan bitkidən doğru istifadə olunduğu halda ölümdən başqa hər şeyə çarə olduğu deyilir.

Redaktor.az xəbər verir ki, bu bitkinin toxumları qatıq və ya südlə birlikdə istifadə olunduqda öz təsirini daha tez göstərir.

Məhəmməd peyğəmbər (s.ə.v.) də daim bu bitkidən müxtəlif xəstəliklərin müalicəsində istifadə etməyi tövsiyə edib: “Ölümdən başqa heç bir xəstəlik yoxdur ki, çörəkotunda onun üçün bir dərman olmasın”.

Aralıq dənizi regionunda, Afrikanın şimalında, Asiyada və Ərəbistan yarımadasında becərilən bu bitkinin tibbi xəstəliklərdə faydasından əlavə, artıq çəki ilə mübarizədə və həzm prosesinin yaxşılaşdırılmasında da rolu var. Onun yağını hər səhər ac qarına, günorta və axşam yeməyindən öncə bir qaşıq içmək olduqca faydalıdır.

Lakin bu yağdan istifadə edərkən mütləq şəkildə gün ərzində 2 və ya 3 qab qatıq yemək lazımdır.

Çörəkotu necə arıqladır?

- İştah kəsici xüsusiyyəti sayəsində çox yeməkdən imtina etdirir;

- Metabolizmi sürətləndirir;

- Çəki atmağın sağlam yollarla gerçəkləşməsinə yardımçı olur;

- Bədəndə yığılan ödəmin xaric edilməsini təmin edir.

Çörəkotunun faydaları

- İmmun sistemini qüvvətləndirir;

- Astmanın yaratdığı narahatlıqların qarşısını alır;

- Saçların ağarma prosesini yavaşladır.