Dünyanın ən qorxulu 10 YERİ

 03:35 10.09.2020     172

Valehedici gözəlliyi olan planetə sahibik. Dağlar, dərələr, meşələr, vulkanlar, çaylar və daha artığı göz oxşasa da, bəzən bu gözəllik vahiməli ola bilir.

Redaktor.az dünyanın ən qorxulu 10 yerini təqdim edir.

  • Afar Depression, Etiopiya. Dünyanın ən təhlükəli vulkanlarından biridir. Burada mövcud olan lavanın dərəcəsi dünyada zəlzələlər yaratmağa kifayətdir.
  • Bikini Atoll, Marşall Adaları. Kənardan cənnət diyarı kimi görünsə də, əslində bura nüvə sınaqlarının keçirildiyi bir nömrəli yerdir. Bu səbəbdən də yerli əhali evlərini tərk etmək məcburiyyətində qalıb. Yerdə qalan canlı növləri isə yavaş-yavaş məhv olmaqdadır.
  • Ölüm Vadisi, ABŞ. Dünya bizim evimizdirsə, Death Valley dünyanın sobası ola bilər. İndiyədək ən yüksək temperatur burada ölçülüb və 56.7 dərəcə olaraq tarixə keçib. Burada susuz ən çoxu 14 saat yaşaya bilərsiniz.
  • Natron gölü, Tanzaniya. Sanki dünyadan deyilmiş kimi bir görüntüsü var bu gölün. Üzərində mövcud olan duz təbəqəsi göllə əlaqədə olan bütün canlılar üçün böyük təhlükədir.
  • İha da Queimada Grande (İlan Adası), Braziliya. Bu ada dünyada təhlükəli yerlər sırasında birincidir. Buna səbəb ən zəhərli ilan Bothrops növünün burada yaşamasıdır. Mayak keşikçisi bir ilan tərəfindən öldürüldükdən sonra mayak avtomatlaşdırılıb və Braziliya hökuməti tərəfindən adaya piyada girişinə qadağa qoyulub.
  • Madidi Milli Parkı, Boliviya. İlk baxışda hüzurlu bir görüntüyə sahib olsa da, dünyadakı ən zəhərli və "əsəbi heyvan" növləri burada cəmlənib. Bir bitkiyə toxunsanız, ətrafdakı bütün böcəklər üstünüzə yığışar.
  • Vaşinqton dağı, ABŞ. Bura dünyanın ən sürətli və sərt küləklərinin əsdiyi yeridir. Eyni zamanda ən ölümcül zirvədir.
  • Sinabung Vulkanı, İndoneziya. İndoneziyanın Sumatra adasındakı aktiv vulkanın püskürmələrinin sayı olduqca çoxdur. Bu səbəbdən də minlərlə insan evlərini tərk etməyə məcbur qalıb. Sonuncu partlayışı isə 2016-cı il fevralın 27-də olub.
  • Danakil səhrası, Eritreya. Afrikadakı Danakil səhrasının vəhşi təbiətini xəyal etmək belə çətindir. Buna baxmayaraq, hər il onlarla macərapərəst buraya gəlir.
  • Ölüm Vadisi, Kamçatka, Rusiya. Burada mövcud olan zəhərli qazlar yaşayan bütün canlılar üçün təhlükədir. Heyvanlar və bitkilər asanlıqla ölürlər, bundan təsirlənən insanlar da xəstəliklərlə mübarizə aparmağa məcbur qalır. //Lent.az