Sinəsinə saplanan bıçaqdan bir il xəbəri olmadı - FOTO
Filippin sakini xuliqanların hücumundan sonra bir il bədənində bıçaq gəzdirib, ancaq bundan xəbəri olmayıb.
Redaktor.az bildirir ki, bu barədə “Cocontus” xəbər yayıb.
Bildirilir ki, 25 yaşlı Kent Rayan Tomao 2020-ci ildə Filippinin Kidapavan şəhərinə gəzməyə gedərkən bir qrup yeniyetmənin hücumuna məruz qalıb və bıçaqlanıb. Dövlət xəstəxanasında həkim müayinə etdikdən sonra yaranı yüngül sayıb və rentgenə ehtiyac duymadan tikiş atıb.
Tomaonun sözlərinə görə, soyuq havalarda yarası incidib, ancaq bunun səbəbini bu yaxınlarda döş qəfəsinin rentgeni zamanı öyrənib. Şəkildə ağciyərlərin yanında bıçağın ülgücü aydın görünür.
Gənc yenidən Kidapavan şəhərinə qayıdaraq, əməliyyat üçün elə həmin xəstəxanaya müraciət etmək istəyir. Bununla belə o, nə həkimləri, nə də xəstəxananı şikayət etmək fikrində deyil. //Oxu.az
Bizi Telegram-da izləyin...
